Forskóli

Meginmarkmið forskóla námsins er að undirbúa nemendur sem best undir almennt hljóðfæranám.  
 

Hvar fer kennslan fram?

Forskólakennslan fer fram í Árbæjarskóla, Ártúnsskóla og Selásskóla á venjulegum skólatíma, þ.e.a.s.
þá sækja börn námið úr kennslustundum eða strax að loknum skóla.

Kennt er einu sinni í viku í 50 mínútur í senn.
Nemendur eru nokkur saman í hóp (Ath. takmarkaður fjöldi í hvern hóp).     
 

Fyrir hverja er námið?

Forskóli er æskilegt nám fyrir nemendur í fyrsta og öðrum bekk grunnskóla en ekki nauðsyn.

Forskóli 1 miðast við börn í fyrsta bekk grunnskóla.
Forskóli 2 er framhald af Forskóla 1 og miðast við börn í öðrum bekk í grunnskóla.

​

Uppbygging náms

Uppistaða námsins er tónlistariðkun með ýmsum aðferðum s.s. söng, hreyfingu, slagverksleik, hlustun, tónlistarleikjum og sköpun. Börnin kynnast hinum ýmsu hljóðfærum, læra grunnatriðin í tónfræði svo sem nótur og ryþma og læra að spila á ukulele. Einnig er lögð mikil áhersla á söng.

Andrúmsloftið er létt og skemmtilegt og þörfum hvers og eins nemanda sinnt af bestu getu.

Í forskólanum er lítið sem ekkert heimanám og ekki er gerð krafa um að börnin eigi ukulele eða önnur hljóðfæri heldur kemur kennarinn með hljóðfærin í tíma.

Forskólahóparnir taka þátt í jóla- og vortónleikum skólans. 

Kennari er Íris Rós Ragnhildardóttir.

​

Hvað kostar? 

Verð fyrir allt skólaárið er 108.000,-